Punk rock
|
Punk rock
| |
|---|---|
| Estil font | Musica Rock |
Lo punk rock o la musica punk o lo punk [ occitan: ˈpyⁿk, ˈpyŋk; anglés: ˈpʌŋk] es un movement musicau e una branca dau rock qu'apareguèt en 1975 a Nòva York puei en 1976 a Londres.
Originas modificar
Ais Estats Units lei primiers precursors foguèron de grops de garage rock coma MC5 e leis Stooges durant la fin deis ans 60.
Lei Ramones (de Nòva York) creèron un novèu genre pus amadurat en 1975 e d'unei considèran aquel eveniment coma la naissença dau punk. Foguèron ligats a un fanzine de Nòva York nommat Punk, qu'exprimissiá en realitat un movement culturau un pauc pus larg que la musica, ligat a una estetica particulara dins leis arts.
En Anglatèrra, lo punk rock appareguèt en 1976 amb lei Sex pistols (de Londres), que serián per fòrça mond lei creators dau punk (o aumens aquelei que lo difusèron mai) e The Clash. Lo punk apereguèt simultaneament en Anglatèrra coma una mòda e un concèpte comerciau. Coma aquò, especialament, Malcolm Mc Laren e Vivienne Westwood fondèron alora lor primiera botiga de mòda punk, que se sonava Sex (1977).
Musicologia modificar
La musica punk se caracteriza per de melodias simplas, de bòn jogar e de bòn cantar. Es un estil especialament accessible per lei musicians amators. Aquela simplicitat es una revendicacion fondadoira dau movement punk, que sa tòca es de rendre tornarmai lo rock accessible a toteis aquelei qu'an enveja de ne faire. Tanben la simplicitat se fa au servici de l'energia pura que lei punks vòlon rendre au rock, un pauc coma dins lo rock iniciau deis ans 1950. Coma aquò lo punk rock emergent de 1975 foguèt ben una reaccion conscienta e radicala còntra lo rock dau mitan deis ans 1970, qu'èra tròp tecnic, tròp virtuós e tròp pretensiós.
En Occitània modificar
En Occitània, Arnapi es un grop que fa de punk rock en lenga occitana. I a tanben Gojats of Hédas o Enlòc. Dempuei leis ans 1990, certanei grops que cantan en occitan an mesclat la musica punk amb l'ska (Goulamas'K) o amb lo trad (Lo Dalfin). Pasmens, la màger part dei grops de musica punk d'Occitània cantan en anglés (Drive Blind) o en francés (OTH, Les Shériff) a causa de la diglossia.
Dins lo Mond modificar
Quauquei grands grops de musica punk dau mond entier:
- Estats Units: The Offspring, NOFX, Dead Kennedys, lei Ramones, Bad Religion, Dropkick Murphys, The Stooges, The New York Dolls, Anti-Flag, Rise Against, Rancid, Green Day, Blink-182.
- Reialme Unit: Sex Pistols, The Clash, Peter and the Test Tube Babies, Buzzcocks, The Adicts, The Toy Dolls.
- França: Bérurier Noir, Les Garçons Bouchers, Métal Urbain, Guerilla Poubelle, Starshooter, Los Wampas, Parabellum, Les Porte Mentaux, Ludwig von 88, Gogol Premier, Les Dogs, Les Sales Majestés, Cyclope, Happy Drivers, Molodoï o encara al Quebèc Banlieue Rouge e en Belgica lo quite Plastic Bertrand.
- Occitània: Arnapi, Enlòc, Gojats of Hédas, Oai Star, Goulamas'K, Les Cigales Engatsées, tanben per los que cantan en francés sonque, OTH e Les Sheriff, o encara los que cantan pas qu'en anglés coma Drive Blind o Uncommonmenfrommars.
- Bretanha: Les Ramoneurs de menhirs, Tri Bleiz Die.
- País Basc: Kortatu, Negu Gorriak
- Alemanha: Nina Hagen, Nena, Die Ärzte
- Suècia: The Hives, Millencolin
