Pedro Passos Coelho
Pedro Manuel Passos Coelho (n. 1964) economista e òme politic, foguèt primièr ministre de Portugal entre 2011 e 2015.
|
Pedro Manuel Passos Coelho
| ||
|---|---|---|
| Primièr Ministre de Portugal | ||
 | ||
| ||
| Mandat 1 | ||
| 21 de junh de 2011 - 26 de novembre de 2015 | ||
| Predecessor | José Sócrates | |
| Successor | António Costa | |
| Biografia | ||
| Naissença | 24 de julhet de 1964 | |
| Sé Nova, Coïmbra | ||
| Conjunt(s) | Laura Ferreira | |
| Nacionalitat | portuguesa | |
| Profession | gestionari | |
| Religion | ||
| ' | ||
Biografia modificar
A catorze ans rejonhèt la Joinessa Sociala Democrata, ont foguèt membre del Conselh Nacional, entre 1980 e 1982, e arribèt a la presidéncia de la Comission Politica lo 1990, en ocupant la carga fins a 1995. Foguèt deputat a l'Assemblada Nacionala, per la circonscripcion de Lisboa, entre 1991 e 1999, ont se jonhèt a l'Assemblada Parlamentària de l'OTAN fins a 1995 e foguèt vicepresident del Grop parlamentari del Partit Socialdemocrata - PSD, de 1996 fins a 1999. Se presentèt coma candidat per cònsol de Amadora e foguèt elegit conselhièr entre 1997 e 2001.
A sos trenta sièis ans foguèt diplomat en Economia a l'Universitat Lusíadas de Lisboa lo 2001. En 2004 dintrèt dins lo Grop Fomentinvest, e venguèt lo braç drech d'Ângelo Correia. Foguèt director financièr fins a 2006 e membre del Comitat Executiu dempuèi 2007 fins a 2009, al meteis temps que presidiguèt lo Conselh d'Administracion de las participantas CRH e Ribatejo Tage, a comptar de 2005 e 2007, respectivament. Tanben a comptar de 2007 ensenhèt a l'Institut Superior de Sciéncias de l'Educacion.
Passos Coelho foguèt cofondator del Movement Pensar Portugal lo 2001. Ocupèt tanben la vicepresidéncia de la Comission Politica Nacionala del Partit Socialdemocrata jos la direccion de Luis Marques Mendes, de 2005 a 2006, e foguèt president del Conselh Municipal de Vila Reala, dempuèi l'an 2005. En mai de 2008 concorreguèt pel primièr còp per la presidéncia del PSD, en prepausant una revision del programa politic en sometent una orientacion neoliberala. Foguèt batut per Manuela Ferreira Leite. Davant aquel resultat, fondèt amb un grop de simpatizants, lo think-tank Pensar Ideias. En genièr de 2010 traguèt lo libre Mudar ("Cambiar") e se postulèt coma candidat per las eleccions de març de 2010. Foguèt elegit president del PSD lo 26 de març de 2010.
Las eleccions presidencialas antecipadas lo 5 de junh de 2011 li donèron una sobrada victòria dins lo congrès contra lo Partit Socialista.
| Precedit per José Sócrates |
 Primièr ministre de Portugal 21 de junh de 2011 26 de novembre de 2015 |
Seguit per António Costa |