Pedro Cieza de León
Pedro Cieza de León (1520-1554) foguèt un conquistador e un cronicaire espanhòu. Arribat en America en 1536, participèt a divèrseis expedicions militaras en Colómbia e a la guèrra còntra lei partisans de Gonzalo Pizarro. En 1548, s'installèt a Lima e acomencèt d'escriure sa crònica depintant la conquista de Peró intitulada Crónicas del Perú (« Crònicas de Peró » en occitan). Gràcias a un trabalh important de collècta dei testimònis dau periòde, son òbra es una fònt majora a prepaus d'aqueleis eveniments.
