Paul Aebischer
Paul Aebischer (Hauterive, Friborg, 8 de decembre de 1897 - Florença, 9 de març de 1977) foguèt un lingüista e medievista soís. Aqueste romanista, que ensenhèt la filologia romanica a l'Universitat de Friborg primièr e puèi a Lausana, desvolopèt lo metòde dich d'estratigrafia lingüistica. Venguèt membre de l'Institut d'Estudis Catalans en 1946.
Biografia modificar
Paul Aebischer nasquèt a Hauterive en 1897 dins una familha de classa mejana, filh de Pierre-Joseph Aebischer, professor a l'escòla normala d'Hauterive e de Josephine Fischer. Passèt son bachelierat latin-grèc a Friborg en 1917 e obtenguèt son doctorat a l'Universitat de la meteissa vila en 1921 gràcias a sa tèsi Sur l'origine de la formation des noms de famille dans le canton de Fribourg. Venguèt tre 1924 ensenhaire de filologia dins aquesta universitat. Del temps d'un lectorat de francés que faguèt a Florença entre 1924 e 1925 coneguèt Norina Giuseppina Anna De Capua que venguèt sa femna en 1926.