Lo Partit Pantera Negra (en anglés, Black Panther Party, originalament nomenat Partit Pantera Negra d'Autodefensa, popularament conegut coma las Panteras Negras) es una organizacion politica afroamericana dels Estats Units d'America, fondada a Oakland, Califòrnia, en octòbre del 1966 per Huey P. Newton, Bobby Seale e David Hilliard.

Newton e Seale, influits per las pensadas de Malcolm X, fondèron a l'Universitat de Merrit, Oakland, lo Conselh Consultatiu de l'Alma dels Estudiants. L'an seguent amb l'assassinat de Malcolm, pendent los actes de comemoracion de l'anniversari, prepausèron de menar sul campus un esquadron de joves armats, proposicion que foguèt refusada. Après aquel incident, daissèron lo Conselh e decidiguèron de formar lo Partit Pantera Negra.

L'ideologia iniciala del grop s'articulava dins lo nomenat Programa dels Dètz Ponches:

  • 1-Volèm la libertat, volèm lo poder de determinar lo destin de la nòstra comunautat negra.
  • 2-Volèm trabalh per las nòstras gents.
  • 3-Volèm la fin del panatòri a la nòstra comunautat negra cometit pels blancs.
  • 4-Volèm de lotjaments decents, adaptats a l'èsser uman.
  • 5-Volèm per las nòstras gents una educacion que mòstre la vertadièra natura d'aquela societat americana decadent. Volèm una educacion qu'ensenhe la nòstra vertadièra istòria e lo nòstre ròtle dins la societat actuala.
  • 6-Volèm que totas las personas negras siam exemptes del servici militar.
  • 7-Volèm la fin immediata de la BRUTALITAT POLICIÈRA e DE L'ASSASSINAT de las gents negras.
  • 8-Volèm la libertat per totas las personas negras detengudas dins las presons federalas, estatalas, dels comtats e de las municipalitats.
  • 9-Volèm que totas las gents negra enviada al procés siá jutjada per de tribunals paritaris o de gents de la comunautat negra, coma es previst dins la constitucion dels Estats Units.
  • 10-Volèm de tèrra, de noiriduras, de lotjament, d'educacion, de vestits, de justícia e de patz.

A comptar d'agost de 1967, lo FBI comencèt a agir contra los grops revindicatius afroamericans, e a partir de 1969 las Panteras Negras realizavan l'objectiu principal.

Lo 17 de genièr del 1969, Bunchy Carter e John Huggins, responsables de l'organizacion a Los Angeles son assassinats pels membres del United Slaves, un grop nacionalista afroamerican rival creat en 1965. Dins los ans 1970, lo partit patiguèt fòrça divisions e afrontaments, e demorèt redusit e inoperant.

En 1989, un grop eissit d'una division del partit, formèt lo New Black Panther Party (NBPP, 'Nòu Partit Pantera Negra') a Dallas, Tèxas, atacat pel rèsta del partit original; dètz ans mai tard, lo NBPP s'integrarèt a l'organizacion nòrd-americana panafricanista Nation of Islam (NOI).

Lo 31 de julhet del 2004, se formèt amb fòrça dels ancians membres una nòva National Alliance of Black Panthers, amb l'intencion de revitalizar amb l'ancian movement.

Membres celèbres modificar

Ligams extèrnes modificar

Suls autres projèctes Wikimèdia :

Vejatz tanben modificar