Nurag

Un nurag es una tor bastida de pèire caracteristica de la civilizacion nuragica que s'estendiguèt durant l'Antiquitat en Sardenha e dins lo sud de Corsega. N'existís mai de 7 000.

L'estructura generala d'un nurag es compausada de tres jaç de pèire que son clinats vèrs l'interior de la tor e pòu agantar una autor de 20 mètres. Apareguèron vèrs 1600 avC e de bastidas novèlas contunièron fins vèrs 700 avC. A partir d'aqueu periòde, lei nurags novèus venguèron fòrça mai lei construccions precedentas contunièron d'èstre utilizadas fins a la fin de la civilizacion nuragica vèrs lo sègle II avC.

La foncion dei nurags es mau determinada en causa dei diferéncias importantas de dimensions e de luòcs de bastida. Certanei semblan utilizats coma temple, d'autrei coma tor de susvelhança ò fortalessa e d'autrei coma luòc de rescòntre. Ansin, diferenteis ipotèsis existisson e lei nurags semblan en realitat tenir de ròtles variables.

• 
  Nurag de Santu Antine que foguèt la bastida pus auta de son epòca aprs lei piramidas d'Egipte.
• 
  Nurag de Oes que foguèt probablament utilizat coma temple e fortalessa.
• 
  Nurag de Su Nuraxi qu'es vengut un dei simbòls de Sardenha.
• 
  Nurag Losa enviroutat per una muralha de pèire.