Lo nòme (en grèc modèrne νομός = nomos, plurau νομοί = nomi) qu'ei ua unitat administrativa de la Grècia contemporanèa. Que i a 54 nòmes agropats en regions mei granas nommadas perifèrias. L'unitat inferiora au nòme qu'ei la comuna.

Lo nòme grèc que tien ua talha sovent comparabla a la d'un parçan occitan. Hèra de nòmes que corresponden a parçans grècs istorics coma Arcadia o Calcidica o a illas coma Cefalònia o tanben a archipèlas coma las Cicladas. Autes nòmes que son mei artificiaus e que pòrtan simplament lo nom de la lor capitala.