La Muralha serviana (en latin: Murus Servii Tullii; en italian: Mura Serviane) èra una anciana muralha defensiva bastida a l'entorn de la vila de Roma al començament del sègle IV abans JC. Lo mur foguèt bastit en tuf volcanic e mesurava fins a 10 m de naut a redòls, 3,6 m de larg a la basa, 11 km de long, e auriá agut 16 pòrtas principalas, mas cap subrevisquèt pas, e enclausiá una superfícia totala de 2,5 km2. Al sègle III de nòstra èra, foguèt remplaçada per la construccion de la muralha aureliana quora la vila de Roma se desvolopava al delà del limit del mur servian.