Motor de combustion

Un motor de combustion es un mecanisme que produtz una fòrça motritz per la transformacion de l'energia d'un combustible.

Cicle de quatre temps dins un motor de combustion intèrna.

Tipes de motors de combustion modificar

Totes los motors se compausan d'una maquinariá e d'un fluid de trabalh. Lo fluid de trabalh, normalament un gas, es el que transpòrta la calor del foguièr caud al foguièr freg de tal biais qu'obtenèm un trabalh. En particular, los motors de combustion utilizan coma foguièr caud una reaccion quimica exotermica o combustion. Segon cossí utilizam aqueste fluid de trabalh, podèm classificar los motors.

Segon lo cicle modificar

De cicle tancat modificar

Lo fluid de trabalh se recicla entre lo foguièr freg e lo foguièr caud, sempre es lo meteis gas. Aital se pòt utilizar un fluid "de dessenh", CFC's, sòdi liquid, mercuri, CO2 etc.. mas lo problèma es que devèm refregir lo fluid dins un foguièr freg.

De cicle dobèrt modificar

Lo fluid de trabalh ven de l'exterior, es caud, passa al foguièr freg e se libèra dins l'atmosfèra. Dins cada cicle, lo fluid de trabalh es renovelat. Lo fluid de trabalh sempre serà l'aire de l'atmosfèra devèm trabalhar amb las proprietats d'aqueste, l'avantatge es que nos devèm pas preocupar del foguièr freg.

Segon la combustion modificar

De combustion extèrna modificar

Los gases resultants de la combustion dintran pas dins lo motor. Servisson per escalfar lo fluid de trabalh al mejan d'un intercambiaire de calor. Exemples: (cicle dobèrt) maquina de vapor, (cicle tancat) Motor Stirling, turbinas de vapor.

De combustion intèrna modificar

Los gases resultants de la combustion forman una part del fluid de trabalh del motor. Exemples: motors Otto, Dièsel, turbinas de gas (reactors). Totes aquels de cicle dobèrt.

Exemples modificar

Dins los trins de vapor, utilizan un forn per escalfar una caudièra plena d'aiga. Es la vapor generada que dintra dins los pistons e efectua lo trabalh, pas lo fum de la combustion. A mai es de cicle dobèrt per que un còp utilizada la vapor, se bandit al exterior, cal tornar metre mai d'aiga per generar mai de vapor.

D'unes reactors nuclears utilizan lo sòdi coma fluid de trabalh. S'escalfa dins lo reactor se vaporiza e s'injècta directament dins las turbinas. Solide, se daissa pas escapar dins l'atmosfèra, mas es refregit amb d'intercambiaire de calor e amb d'aiga de mar, la vapor se condensa e se torna a utilizar. Mas es pas un motor de combustion, es de cicle tancat.

Motors de combustion intèrna modificar

 
Motor de quatre temps al trabalh

Dins lo cas de las automobilas lo piston es unit a una bièla e aquesta fa de palanca sus un virabiquí qu'es un ais que convertís lo movement linear en un movement continú de rotacion.

Motors de quatre temps modificar

  1. Fasa d'admission per chucadís d'aire e combustible
  2. Fasa de compression amb la valvula tancada
  3. Fasa d'explosion o combustion quand s'arriba a la relacion maximala de compression
  4. Fasa d'expulsion de gases

Motors de dos temps modificar

Fòrça similars als de 4 temps. Dins la fasa d'expulsion dels gases, tanben se fa l'admission de combustible, aital, las fasas 4 e 1 se fan al meteis temps. Normalament, lo cap del piston e la cambra de combustion tenon una forma conica per evitar que los gases de dintrada e de sortida se barregen. Pasmens, sempre demòran de residús de la combustion e s'escapa une part de combustible sens cremar. An una relacion pes/poténcia fòrça bona, mas son pauc eficients.