Morelia

Morelia (que se pronóncia Morélia) (de 1545 a 1828, Valladolid), es la capitala de l'estat de Michoacán a Mexic, localizada dins la val de Guayangareo. En 2005 aviá una populacion de 608.049 personas. Lo sieu centre istoric es estat designat Patrimòni de l'Umanitat.

Centre istoric de Morelia

Morelia foguèt fondada lo 18 de mai, 1541 pel virrei Antonio de Mendoza, amb lo nom de Valladolid. En 1582 la vila de Valladolid se convertiguèt en la sedença de l'administracion de la Província de Mechuacán (anciana ortografia de Michoacán) jos l' administracion de la Novèla Espanha. Pendent lo periòde del virregnat se realizèron d'importants bastiments coma la catedrala de la vila, l'aqüeducte, lo Palai de Govèrn, lo Palai Clavijero e de nombroses temples, convents e ostals ancians. Lo conservatòri de Musica de las Ròsas de Morelia es un dels mai ancians del continent american, e conten l'òrgue tubular mai grand del continent. Foguèt la vila natala de José María Morelos y Pavón, qui amb Miguel Hidalgo y Costilla, participèt al començament del movement d'independéncia de la Nòva Espanha. En onor a Morelos, la vila foguèt reanomenada "Morelia" lo 12 de setembre, 1828.

Ligams extèrnes

• (es) Site oficial