Minimes (Tolosa)
Los Minimes, es un quartièr de Tolosa situat al nòrd del centre vila, entre lo Canal del Miègjorn e lo quartièr de la Barrièra de París, ont lo cantaire Claudi Nogaròu e de l'escrivan Raymond Abellio passèron lors enfanças.
Istòria modificar
A l'Edat Mejana, lo luòc demorèt desèrt perque èra luènh dels barris aparant lo centre istoric e la tèrra es un èrm.
Lo quartièr deu son nom a l'installacion dels religioses dels "Minimes" qu'èran los primièrs a s'installar sus aquelas tèrras. Dempuèi 1493 s'ocupavan d'una capèla qu'aparteniá a la glèisa de Sant Sarnin, que lor balhèt oficialament lo rei Loís XII lo 11 d'abril de 1502. Lo 11 de mai de 1503 los monges prenguèron oficialament possession del luòc per i bastir lor convent, en preséncia de l'abat de Sant Sarnin[1].
Abans, la carrièra del Calhau Gris, que va del Mercat dels Pòrcs èra lo tèrme de las tèrras de la confrariá dels Minimes. Lo nom de la carrièra ven de l'abitud qu'avián los monges de foragetar los calhaus que sortissian de dins lors tèrras al tèrme del convent.
L'Òrdre foguèt dissout en 1790 quand comptava encara vint-e-un monges, que n'i aviá fins a quaranta[2].
Aquel quartièr èra pas mai qu'un èrm al sègle XII, e los terrens foguèron logats als boièrs per que venguèsson far pàisser lor bestial.
Puèi segon los òrdres del Parlament, los pus paures e mendicants devián desbosigar los èrms.
Al sègle XIX, d'ortalans s'installan. Demoraràn fòrça fins als ans 1960. Lo quartièr es fach de carrièras pichonas, d'ostals basses de bricas e de còdols caracteriscs dels ostals tolosan. La via principala es l'avenguda dels Minimes que dins un axe Nòrd/Sud religa lo quartièr al nòrd del centre vila al quartièr Naut Bernat.
La glèisa modificar
La glèisa foguèt bastida entre 1503 e 1546, apujada a la capèla de Sant Ròc. Es d'estil gotic. Pendent la Revolucion Francesa lo campanar foguèt destruit e pendent de decennis lo bastiment serviguèt de minotariá.[3] Sus demanda de la populacion lo conselh municipal compra lo bastiment en 1851 per que torne èsser un luòc de culte e lo campanar se tornèt bastir en 1892[4].
Transpòrts modificar
Amb la creacion del Canal del Miègjorn se bastiguèt un pont per religar lo quartièr al quartièr Naut Bernat ont los ortalans portavan cada jorn lor produccion d'ortalécias. Dins los ans 1860 una linha de transpòrt en comun desserviguèt lo quartièr, en primièr d'omnibús tirats per de cavals e en 1906 un tram electric que foguèt remplaçat en 1950 per la linha de bus 10[5].
En 2007 la Linha B del mètro de Tolosa arribèt dins lo quartièr amb l'estacion Minimes-Claudi Nogaròu a mièg camin de l'avenguda dels Minimes.
Fòtos modificar
-
La glèisa dels Minimes -
Estacion de mètro Claudi Nogaro. -
Senha davant lo Jardin Claudi Nogaro -
Vista dels Minimes. -
L'ostal de la mosca
Nòtas e referéncias modificar
- ↑ (fr)Voix du Midi-Weekend, no 13 du 11 septembre 2009, p. 11
- ↑ (fr)Marc Miguet: Les Minimes, un quartier de Toulouse. Pages d'histoire jadis et nagu§re. Toulouse, Les Amis des Archives de la Haute-Garonne, 2003, p.45
- ↑ Marc Miguet, p.72
- ↑ Marc Miguet, p.79-80
- ↑ Miguet, p. 105-109
Vejatz tanben modificar