Matricaria

Matricària (Matricaria) es un genre de plantas de flors, essent tipic de las margaridas e conegudas popularament coma camomilhas. Son de la familha de las asteracièas.

La majoritat de las espècias dins lo genre matricària se tròban dins las regions de climat temperat d'Euròpa, Asia e America e tanben al nòrd e sud d'Africa. Unas se naturalizèron en Austràlia.

Son de plantas annalas qu'an un aròma fòrça fòrt e agradable. Creisson a las talveras (vegetacion ruderala) e dins las tèrras ricas en nutriments. Se las considèran sovent coma de marridas èrbas son tanben de plantas ornamentalas.

Tenon fòrça tijas jagudas o quilhadas, glabras e amb fòrça fuèlhas que son bipennadas amb fòrça foliòls estreches lobulats e linears.

Las flors son simetricas, radialas. Lo som floral es jaune verdós e semiesferic. Las ligulas pòdon èsser presentas coma per M. recutita o abscentas coma per M. discoidea. Las ligulas an de 4- a 5-dents. Lo receptacle es de doas a tres còps mai naut que larg. Lo papus pòt èsser en forma de corona e cort o alara anscent.

La matricària camomilha (Matricaria recutita) se pren coma infusió medicinala, la camomilha romana aperten a un autre genre: Anthemis nobilis.

La taxonomia de Matricaria es controvertida e es fòrça confusa.

Espècias modificar

 
Matricaria discoidea
 
Matricaria

Referéncias modificar

Ligams extèrnes modificar

Suls autres projèctes Wikimèdia :