Mato Grosso

capitala populacion (an)	Cuiabá 533 800 abitants (2005)
Governador	Blairo Maggi
Superfícia	903 357,9 km²
Populacion Densitat	2 854 456 (2007) 3,15 ab/km²
Pagina oficiala	www.mt.gov.br

Mato Grosso es un estat de Brasil qu'a pas cap de frontièra maritima. Confronta al nòrd los estats de Amazonas e Pará, a l'èst los estats de Tocantins e Goiás, al sul el Mato Grosso do Sul e a l'oèst Bolívia e l'estat de Rondônia. Sa capitala es la vila de Cuiabá.

Istòria

Pel Tractat de Tordesillas la region èra territòri espanhòl. Aprèp l'union de las coronas de Portugal e Espanha en 1580, los portugueses comencèron d'arribar en la region.

Los paires jesuistas fondèron de missions dins la region mas foguèron expulsats pels bandeirantes (explorators) originaris de São Paulo en 1680.

Aprèp la descobèrta d'aur dins la region en 1718 e la fondacion de Cuiabá en 1719, la populacion de la region comencèt d'aumentar. Amb lo Tractat de Madrid de 1750, la region passèt al domini portugués.

Economia

En 2005, 70  % du PIB del Mato Grosso èra degut a l'agricultura e a l'elevatge. Las expleitacions agricòlas produson 18 milions de tonas de sòja e 29 milions de bovins. Gràcia a la region, Brasil es lo primièr productor e lo premièr exportator de sòja del monde. Las autras culturas del Mato Grosso son lo coton, lo ris, la cana de sucre e lo milh.

Aquesta agricultura, en plena expansion del fach dels besonhs alimentaris e de la demanda d'agrocarburant (bioetanòl), es responsabla d'un desboscament intens, lo pus important de totes los Estats de Brasil.

• 
  Tropèl dins lo Mato Grosso.
• 
  Expleitacion du coton dins una fazenda.
• 
  Plantacion de sòja dins lo Mato Grosso