Marcèu Esquieu

ensenhaire, escrivan e poèta occitan

Marcèu Esquieu (Nadaliá, Autafaja, 19 de març de 19312 de genièr de 2015) èra un escrivan, poèta e contaire occitan. Èra pro conegut en Occitània per la creacion amb d'autres de l'Escòla Occitana d'Estiu.

Illustracion de Nuèit contarèla amb una representacion de Marcèu Esquieu (1986)

Biografia modificar

Marcèu Esquieu trabalhèt coma professor de literatura classica e d'occitan a Vilanuèva d'Òut de 1957 a 1992. A mai d'aquesta activitat escriviá d'òbras plan divèrsas, que tocavan una granda varietat de registres. En 1973 foguèt un dels creadors de l'Escòla Occitana d'Estiu amb sos amics Crestian Rapin e Joan Rigosta. A l'encòp, transformèt l'escòla de la vila de Picapol en centre cultural occitan permanent. A ajudat a far conéisser gràcias a sas edicions qualques autors occitans coma Jansemin, Pau Froment (1875-1898) o Arnaud Daubassa.

A participat tanben a mantuna emission pedagogica de television a prepaus de l'occitan, (Parlar occitan), fachas per FR3 Aquitània de 1983 a 1985. Es estat a mai autor dels tèxtes de la sèria Istòrias d'Aquitània (1985) e a escrich de paraulas de cançons que son estadas interpretadas per divèrses cantaires com Jacmelina, Eric Fraj o Bernat Dauphiné.

Tota son òbra personala (romans, narracions, records, teatre, poesia) es estat publicada dins mantuna publicacion, coma per exemple Camins d'Estiu, lo bulletin de l'Escòla occitana. Actualment, la sia produccion es estada amassada per l'Institut d'Estudis Occitans.

Un autre aspècte essencial dels tèxtes d'Esquieu es la tendéncia marcada a l'oralitat: es un contaire que vira per las escòlas d'un fum d'endreches d'Occitània tota, amb Terèsa Duverger. A realizat un bèl nombre de CDs a partir de sas creacions oralas (Contes de las Doas Bocas, Nuèit contarèla, etc).

Òbras modificar

Pròsa e poesia modificar

  • Una cançon que monta de la tèrra, Forra-Borra, 1971.
  • Cançons pels drollets, Forra-Borra, 1972.
  • La còsta de Pujòls, quasernet Forra Borra, 1973.
  • A mots menuts, Forra-Borra, 1974.
  • Tendre Potache, Forra Borra, 1974.
  • Mas cançons, quasernet Forra-Borra, 1975.
  • L'agram forcut, Forra Borra, 1976.
  • Un biais de dire, E.O.E., 1977.
  • Calabrun, còmic, amb C. Rapin, dibuix de B. Ciochetti, Cap-e-Cap, 1975.
  • Cadastre; Forra-Borra, 1978.
  • Agenais Occitan, 1050-1978, amb J Rigousta i C. Rapin, E.O.E., 1978.
  • Lo libre de Paul Froment, 2 vol., E.O.E., 1986, 1988.
  • E nos fotèm d'èstre mortals !, illustracions de Joan-Claudi Pertusèr, I.E.O, A TOTS, 1990.
  • Contes à deux voix, E.O.E., 1992.
  • Contes de las doas Bocas, CRDP, Tolosa, 1993.
  • Òbras complètas, Institut d'Estudis Occitans :
Dels camins bartassièrs (Pròsa), 2003
Mos Trastèls (Òbra teatrala)
Talveradas (Pròsa), 2004
De Cric a Crac (Òbra contada)
Sembla Vida (Òbra poetica)

Teatre modificar

  • La television, operà bofanaire, música de Pèire Capdeville, Forra Borra, 1971.
  • Viva El !, farcejada electorala e republicana, Forra Borra, 1974.
  • A la Velhada : comedia dramatica, Forra Borra, 1975.
  • Para la clòsca, o la grèfa de cervèl !, farcejada, Forra Borra, 1975.
  • La patacada, o lo Cid occitan, Forra Borra, 1982.
  • Ò ! Alienòr, o la republica de Picapoul, Forra Borra, 1983.
  • Lo mal de Siset, farcejada medicala, Camins d'Estiu, FR3, 1985.
  • Ravalhac, farcejada istoric, FR3, 1986.

Collaboracions dins de revistas modificar

  • Articles e comunicacions dins: Autrement, Per Noste, Òc, L'Esquilon, Sud-Ouest, Cahiers d'Études Cathares

Disques modificar

  • Jansemin, letra a Silvan Dumont, Mos Sovenirs, Cap-e-Cap, 1972.
  • Un biais de dire, Revolum, 1979.
  • Jansemin-Esquieu, Revolum, 1981.
  • Mos sovenirs-Letra a S. Dumon, Revolum, 1982.
  • Contes de las doas bocas, amb Terèsa Duverger, CRDP, Tolosa, 1993.
  • Nuèit contarèla, amb Terèsa Duverger, 1996.

Television modificar

  • Parlar occitan, en collaboracion amb l'equipa pedagogica, 75 emissions.
  • Istòrias d'Aquitania, amb Jacmelina, Bernat, E. Fraj e J.C. Pertuzé, Joan lo Bracièr de Pena, L'imprevist de Biron, La domaisèla, Amor de luènh. FR3 Aquitània, 1985-1987.

Animacions modificar

  • des de 1960, animacions i vetllades, pertot en Occitània.
  • dempuèi 1988, Contes de las doas bocas, velhadas-contes, amb Terèsa Duverger.
  • dempuèi 1993, animacions occitanas en classa: Las Asenadas de Batiston.
  • 40 cançons interpretadas per: Gui Corrèjas-Clerc, Peir-Andreu Delbeau, Josiana Vincenzutto, Eric Fraj, Jacmelina, Latornariá, Los de Larvath, Paraula…

Autras activitats occitanistas modificar

  • cofondador president: Prèmi panoccitan Pau Froment, Pena d'Agenés, dempuèi 1972.
  • cofondador e president de l'Escòla Occitana d'Estiu, 1974-1995.
  • director del Centre Cultural Occitan de Picapol 47340 Auta Faja e la Tor.
  • redactor en cap : Camins d'Estiu, 1975 a 1996.
  • Ancian membre del conselh de l'I.E.O.
  • Prèmi Jansemin d'Argent, 1975; Prèmi August Forés, 1988, Jòcs Florals de Tolosa.
  • Responsable de las edicions Forra-Borra e E.O.E., 245 títols apareguts de 1971 a 1996.

Ligams extèrnes modificar