Maieutica

La maieutica es un metòde d'ensenhament elaborat per Socrates. Es un dels quatre punts del metòde socratic. Se fonda sus l'idèa que la vertat es latenta dins l'esperit de cada èsser uman pr'amor de sa rason innada, mas deu èsser levada, del meteis biais que la levandièra liura la femna prens. Aquò's lo sens de l'adjectiu grèc «μαιευτική» que referís a l'obstetrica, l'art de las levandièras.

Lo metòde consistís a «levar l'esperit» de l'interlocutor per las questions del mèstre e las responsas del discípol.