Lucian Mengaud

felibre lengadocian (1904-1877)

Lucian Mengaud (en francés: Lucien Mengaud; La Vaur, 1804 - Tolosa, 12 de julh de 1877) foguèt un escrivan occitan del país tolosenc que recebèt sovent l'escais de "discípol de Godolin".

Lucian Mengaud

Biografia modificar

 
Bust al Grand Redond de Tolosa

Lucian Mengaud nasquèt a La Vaur en 1804 dins una familha modèsta. Quand èra plan jove, partiguèt per Tolosa ont faguèt mantun mestièr, trabalhèt a la comuna de Tolosa e a l'encòp coma musician e pintor per i poder subvenir a sas necessitats. Foguèt probablament gràcias a l'influéncia de Jansemin, qu'èra son amic, que Mengaud comencèt a escriure en occitan. En 1841 espeliguèt son recuèlh Las pimpanèlas que seriá reeditat puèi jol títol Ròsas e pimpanèlas.

 
Citacion de Mengaud sus la font Als jòcs florals, plaça de la Concòrdia a Tolosa

Mas malgrat lo succès d'aquesta òbra es subretot gràcias a l'escritura de las cançons popularas que l'escrivan venguèt popular. Son òbra mai coneguda es la cançoneta la Tolosenca que foguèt mesa en musica per Pèire-Loís Deffès[1]. Foguèt interpretada per primièr còp lo 30 d'abril de 1845 al Teatre del Capitòli e venguèt lèu un classic dins la capitala mondina, al ponch que d'unes la sonèron "la Marselhesa dels tolosans". En 1860 publiquèt un fascicul d'una obreta d'un acte: Las aucas del Tomàs de Fonsas Grivas [2].

Mengaud participava pro sovent als salons tolosans e en 1864 anèt al Salon parisenc, mas la premsa francesa foguèt pas ges amicala amb el.

Aprèp sa mòrt la vila de Tolosa, per omenatjar sa figura de poèta, faguèt plaçar son bust en 1894 dins lo Jardin del Grand Redond.

Òbras modificar

  • Las pimpanèlas (1841)
  • A trompeur, trompeur et demi (1856)
  • Las aucas del Tomàs de Fonsasgrivas (edicion de 1867)

Ligams extèrnes modificar

Nòtas e referéncias modificar

  1. Francis Loubatières, in Le Dictionnaire de Toulouse, Loubatières, 2004
  2. Biografia de Mengaud per G. Barsotti dins Mesclum