Leif Ericson
Leif Ericson (vèrs 970, Eiríksstadir - vèrs 1020, Groenlàndia) es un navegaire e un explorator viking de la premiera partida dau sègle XI. Personalitat importanta de l'expansion vikinga, organizèt plusors viatges a l'oèst d'Islàndia per explorar la region de Groenlàndia. Aquò li permetèt de descubrir America e, probablament, d'i fondar un comptador viking au nòrd de l'illa de Tèrra Nòva. Pasmens, deguèt arrestar sei recèrcas après la mòrt de son paire e lei Vikings abandonèron sei colonias americanas en causa de l'ostilitat dei populacions localas.