Jacques de Liniers
Jacques Antoine Marie de Liniers et Bremond mei conegut com Jacques de Liniers o, en castelhan com Santiago de Liniers (Niòrt, lo 25 de julhet de 1753 – Cabeza de Tigre — província de Córdoba) que ho un nòble francés qui prohèitè deu Pacte de Familha enter las dinastias Borbon de França e Espanha entà har ua carrièra militara dens aqueste segon país.
Après aver servit dens l'Ancian Monde, que ho mandat a Buenos Aires en 1788.
Que s'illustrè militarament dens la dehensa de Buenos Aires contra las Invasions anglesas de l'arriu de la Plata de 1806 (çò qui causè que lo pòble lo causesse com navèth vicerrei en remplaçament de Sobremonte jutjat cobard) e 1807. Arron, lo rei d'Espanha que'u confirmore com vicerrei. Qu'aquesó tanben lo títol de comte de Buenos Aires.
Totun, que ho remplaçat per Baltazar Hidalgo de Cisneros per'mor la soa nacionalitat francesa que'u hasèva sospeitós en aquestas tempsadas qui França e ocupava Espanha.
Feau a Espanha a maugrat de tot, que's resití contra la Purmera Junta gessida de la Revolucion de Mai de 1810 qui'u he fesilhar. La soa familha que he cambiar lo son títol de comte de Buenos Aires en comte de la Leiautat.
Uèi lo dia un quartièr de Buenos Aires que s'apera Liniers.
Notas e referéncias modificar
- ↑ (es) Gonzalo Demaría,Diego Molina de Castro, « Historia Genealógica de los Virreyes del Río de la Plata », Buenos Aires, Junta Sabatina de Especialidades Históricas, 2001, p.322-325 ISBN 987-1042-01-9
