Instrument musical
Un instrument musical es un objècte que permet de produrre un son contrarotlat per un musician. Aquel objècte pòu èsser estat concebut per aquela rason ò èsser estat destorbat de son usatge normau. La votz e lei mans son tanben consideradas d'instruments de musica quand son utilizadas per realizar una òbra musicala.
L'usatge d'instruments es atestat tre la Preïstòria coma lo mòstra la descubèrta de flaütas fabricadas i a 35 000 ans sus un site arqueologic de Jura. L'ensemble deis instruments utilizats per una òbra, per una societat ò una epòca donada es dich « instrumentarium ». L'estudi academic deis instruments de musica es dicha organologia. Aquela disciplina a permet de definir de categorias d'instruments coma leis instruments de vent, leis instruments de còrda e leis instruments de percussion.