Haussà
Pòble d'Africa occidentala e centrala que parla lo haussà.
Situacion generala modificar
Païses abitats modificar
Los haussà vivon mai que mai dins 2 païses: Nigèria e Nigèr. Pasmens se tròba de Haussàs dins mai d'un païs african: Benin, Chad, Cameron, Togo, Ghanà, Libia, Sodan, Centrafrica, Gabon, Mali, Togo.... I a tanben qualques Haussàs emigrats en Euròpa e en America.
Nombre e reparticion modificar
| Païs | % de la populacion totala | Nombre total |
|---|---|---|
| Nigèria | 18% (32%) | 29 214 000 |
| Nigèr | 56% | 9 240 000 |
| Benin | 0,5% | 46 000 |
| Cameron | 1,2% | 240 000 |
| Chad | 2,4% | 250 000 |
| Ghanà | 0,7% | 170 000 |
| Autres païses | n.s. | 500 000 |
Al total, i auriá al mens 39 660 000 Haussàs en 2012. Cal notar pasmens que la proporcion donada de 32% per Nigèria, es pauc cresibla. Correspondriá puslèu a la proporcion d'estatjants que pòdon parlar haussà. Lor lenga servís tanben de lingua franca dins lo nòrd de Nigèria, Nigèr e, parcialament, dins qualques regions de Ghanà, Cameron, Chad e Benin.
Originas e genetica modificar
Segon d'analisis geneticas recentas los Haussàs son aparentats geneticament a las populacions niloticas e an tanben reçauput qualques elements d'Asia occidentala.
Es per aquò que se pensa a l'ora d'ara que los Haussàs son de Nilotics que foguèron linguisticament assimilats per d'Afro-asiatics.