Hasekura Tsunenaga (1571 – 7 agost, 1622) (japonés: 支倉六右衛門常長?, Hasekura Rokuemon Tsunenaga), tanben apelat Don Felipe Francisco Hasekura après sa conversion al cristianisme, foguèt un samorai japonés, vassal del daimyō de Sendai, Date Masamune,

Hasekura Tsunenaga en Madrid, Espanha (1615)

Dins los ans 1613 a 1620, Hasekura dirigiguèt una mission diplomatica près del papa Paul V. Traversèt lo Pacific al bòrd de la San Juan Bautista, una nau bastida dins aquela tòca per Masamune, Hasekura transitèt per la Nòva Espanha (arribant a Acapulco e partent de Veracruz) e visitèt Espanha e divèrs autres pòrts d'escala en Euròpa en rota. Aquela mission istorica es dita l'ambassada de Keichō (慶 長 使節) e seguís l'ambassada de Tenshō (天正 使節) de 1582. Sul viatge de retorn, Hasekura e sos companhs an retraçat lor rota a travèrs la Nòva Espanha en 1619, navigant d'Acapulco per Manilla, puèi navigant cap al nòrd entrò Japon en 1620. [3] Es generalament considerat coma lo primièr ambassador de Japon dins las Americas e en Espanha.

E mai que l'ambassada de Hasekura foguèsse calorasaement recebuda en Espanha e a Vatican, aquò se debanèt a una epòca ont Japon s'encaminava cap a la suppression del cristianisme. Los monarcas europèus coma lo rei d'Espanha an aitaal refusat los accòrds comercials que Hasekura recescava. Hasekura tornèt en Japon en 1620 e moriguèt de malautiá un an pus tard, son ambassada s'acabèt aparentament amb pauc de resultats dins un Japon de mai en mai isolacioniste.