Grön eld (en occitan: "Fuòc en verd") es una escultura de veire situada dins la vila suedesa d'Umeå. L'òbra que se tròba a Järnvägstorget, en fàcia de la Gara centrala d'Umeå, foguèt realizada per l'artista suedés Vicke Lindstrand. La creacion que culmina a 9 mètres de nautor èra, al temps de son inauguracion, en 1970 l'escultura de veire mai nauta del mond entièr.

L'òbra Grön eld vista dempuèi l'èst

Istòria modificar

Aprèp d'aver vist l'escultura de veire Prisma de Vicke Lindstrand a la localitat de Norrköping, Sven Wallander, lo director d'HSB (siglas de Hyresgästernas sparkasse - oh byggnadsförening), un consòrci comunitari suedés de proprietats immobiliàrias, decidiguèt de comandar una òbra per la comuna d'Umeå. La realizacion de Lindstrand sonada Grön eld foguèt donada puèi a la municipalitat d'Umeå que paguèt per sa fondacion.