Glaudi Barsotti (tanben s'es agut vist la forma Claudi Barsòtti, en francés Claude Barsotti) (nascut a Marselha, lo 26 de genièr de 1934) es un escrivan e un jornalista occitan.

Foguèt oficier radiotecnician dins la marina de comèrci e barrutlèt de pertot, d'Asia a Euròpa en passant per Africa. Foguèt mobilizat per la Guèrra d'Argeria en 1956 e 1957. Daissèt puèi la marina per l'administracion.

Militant a l'associacion culturala Lo Calen, de Marselha, puei a l'IEO (membre dau CA), es tanben membre dau Pen-Club de Lenga d'Òc.

En 1965, creèt lo jornau La Sartan que venguèt lèu Actualitat Occitana.

Es tanben òme de ràdio e de television (collaborèt a l'emission de television Vaquí de F3 Mediterranèa de Marselha).

Seis òbras modificar

  • A flor e mesura, cronicas d'un jornalista, 1963
  • Lo lop en Occitània, 1964
  • Antologia deis escrivans sociaus provençaus (1875 a 1914), 1975
  • La tèrra deis autres, roman, Vent Terral, 1979
  • Le music-hall marseillais de 1815 a 1914, 1984
  • Parlam provençau (obratge collectiu), 1971
  • Un sègle de premsa occitana a Marselha de 1840 a 1940, 1981-1982
  • Cronicas, 1990
  • Bestiari d'Occitània, Lexic latin-occitan provençau-francés dei vertebrats d'Occitània, IEO Sector Recèrca, 1992 (255 p., ISBN 2-85910-116-0).
  • Un papier sensa importància, roman, IEO, 1994
  • Le bouil et le tian: la cuisine du terroir provençal, Ais de Provença, Edisud, 1996, ISBN 2-85744-886-4
  • Testimòni d'un niston de la guèrra, autobiografia, IEO, 2002, ISBN 2-859103-22-8
  • L'estraç, roman IEO, 2002, ISBN 2-859102-97-3
  • Lo comunard de la Mitidjà, roman, IEO, ISBN 2-859103-87-2