Geneviève Fioraso, nascuda lo 10 d'octobre de 1954 a Amians, es una femna politica francesa. Foguèt nomenada lo 16 de mai de 2012 dins lo govèrn de Jean-Marc Ayrault ministre de l'ensenhament superior e de la recèrca, deputada de la premièra circonscripcion d'Isèra dempuèi de junh de 2007 e membre del Partit Socialista.

Geneviève Fioraso, 2011

Foguèt de 2008 a 2012 7a adjunta encargada de l'universitat, de la recerca, de l'economia e de las relacions internacionalas de la vila de Grenòble[1] aprèp que foguèt adjunta a l’economia, a l'innovacion, al comèrci e a l'artisanat pendent lo precedent mandat, e 1a vicepresidenta de la Comunauta d'Aglomeradion Grenoble Alpes Métropole.

Foguèt tanben en 2003 presidenta directora generala de la Sem Minatec Entreprises.

Origina e formacion modificar

Nascuda a Amians en 1954, darrièra d'una familha de sièis enfants, es maire de dos enfants (1986 e 1979)[2].

Aprèp las classas preparatòrias literàrias obtenguèt doas mestresas (d'anglés e d'economia).

Parcors professional e politica modificar

En 1975, comencèt per èsser professora d'angles e d'economia prèp de joves en dificultat. En 1979, daissèt l'ensenhament, per anar en Isèra, e venguèt encargada d’informacion e responsable de la documentacion de premsa al cabinet del cònsol màger de Grenòble, Hubert Dubedout, abans de venir en 1983 son assistenta parlamentària. De 1989 a 1995 participèt a l’equipa de direccion d’una start-up del CEA, Corys. Puèi, de 1999 a 2001, fondèt e dirigiguèt l’Agéncia regionala del numeric dins lo malhum de vilas de la region Ròse-Aups. De 2001 a 2004 èra a mièg temps[3] per France Télécom, encargada dels mercats emergents dins lo sector « Social & santat ».

A partir de 2003, foguèt tanben presidenta de l'Institut d'Administracion de las Entrepresas (IAE) de Grenòble, e ensenhèt a l'Institut d'Estudis Politics de París en 2011.

Sul plan politic participèt en 1985 a la campanha de las cantonalas amb Michel Destot e venguèt sa directritz de cabinet (economia e innovacion). En 2007, Geneviève Fioraso foguèt elegida deputada dins la 1a circonscripcion de l'Isèra. A l'Assemblada Nacionala, èra membra del Burèl del grop parlamentari Socialista, radical, ciutadan e divèrsas esquèrras, membra de la comission dels afars economics, de l'environament e del territòri e membre de l'Ofici parlamentari d'evaluacion de las causidas scientificas e tecnologicas. En 2009 e 2010, foguèt raportaira per avís dels budgèts « industria », « recèrca » e « desvolopament sostenable ».

Lo 16 de mai de 2012, foguèt nomenada ministra de l'Ensenhament Superior e de la Recèrca dins lo govèrn de Jean-Marc Ayrault.

Nòtas e referéncias modificar

<references>

Vejatz tanben modificar

Ligams extèrnes modificar

  1. (fr)« Geneviève Fioraso, Ministra de la Recèrca », La Recherche, mai 2012,
  2. genevieve-fioraso.com
  3. (fr)« Geneviève Fioraso ». Les échos, 5 de novembre de 2003