Frank James Cooper dich Gary Cooper (7 de mai de 1901, Helena (Montana) – 13 de mai de 1961, Beverly Hills) es un actor de cinèma e vedeta estatsunidenc. Comencèt sa carriera dins leis annadas 1920 coma cascadaire. Venguèt famós gràcias a de ròtles dins Morocco (1930) e A Farewell to Arms (1932). Pendent leis annadas seguentas, s'impausèt coma una vedeta internacionala dins de films variats coma The Lives of a Bengal Lancer (1935), Mr. Deeds Goes to Town (1936), Beau Geste (1939) o Meet John Doe (1941). Puei, dins lo corrent de la decenia 1940, incarnèt generalament d'eròis tipics de l'istòria deis Estats Units coma lo jogaire de beisbol Lou Gehrig (The Pride of the Yankees, 1942), Robert Jordan (For Whom the Bell Tolls, 1943) o lo doctor Wassell (The Story of Dr. Wassell, 1944). En 1952, obtenguèt son succès pus important ambé son ròtle de sherif dins lo western High Noon que foguèt guierdonat ambé l'Oscar dau melhor actor. Recebèt tanben una pauma d'aur en 1957 per son ròtle dins Friendly Persuasion (1956).

Gary Cooper e Marlene Dietrich dins Marocco (1930).