Ferriol Macip i Bonet

grafista, traductor, musician e jornalista

Ferriòl Macip i Bonet (neishut en Barcelona, eth 7 de noveme de 1969) es grafista, traductor, musician e jornalista catalan, esperantista e occitanista.

Coma esperantista que comencèc ena Joventut Catalana d'Esperanto eth 1986, coredactor deth bulletin Kata Luno e entre 1990 e 1993 coredactor dera revista sus lenguas e pòbles en lengua catalana Freqüències. Qu'ei membre actiu dera Associacion Catalana d'Esperanto, on trabalhe professionaument des der an 2004. Qu'ei eth grafista dera revista Kataluna Esperantisto e deth magazine Monato. Que hè tanben de violonaire en grop de musica tradicionau Kaj Tiel Plu a on n'ei membre actiu, atau com dera equipa de traductors responsables dera edicion en esperanto de Barcelona-Indymedia. Amassa damb Josep Maria Milla i Saldon que metec en marcha KIS TV, eth servici informatiu televisat dera Associacion Catalana d'Esperanto, en 2006.

Coma occitanista que comencèc en Institut d'Estudis Occitans, seccion animacion, en tot ensenhar de manèra pedagogica era lengua occitana en campaments e colònies d'ostiu enter eths ans 1992 e 1997. Actuauments que redigís, qu'edite e que presente er infòc, er informatiu en occitan de Barcelona TV amassa damb Manel Zabala e Josep Maria Milla i Saldon, coprodusit entre Barcelona TV e era Associacion entara Difusion d'Occitània en Catalonha (ADÒC). Hè partida dera redaccion deth Jornalet.

Ligams extèrnes modificar