L’energia sorna es una forma d'energia ipotetica qu'emplís uniformament tot l'Univèrs e qu'es dotada d'una pression negativa. Aquò li dòna l'aspèct d'una fòrça gravitacionala repulsiva. Son existéncia dins lei modèls cosmologics pus recents es venguda necessària per explicar l'acceleracion de l'expansion de l'Univèrs descubèrta en 1998.

Segon lei darriereis estimacions, representariá aperaquí 68% de la densitat d'energia totala de l'Univèrs e seriá a l'origina de l'acceleracion de l'expansion de l'Univèrs. A tèrme, la repulsion entraïnada per aquela fòrça podriá venir pus importanta que leis interaccions permetent de mantenir ensems lei constituents de la matèria. Segon aqueu scenari, dich Big Rip, aquò es susceptible d'estraçar la matèria e, benlèu, l'Univèrs eu meteis.

Liames intèrnes modificar

Bibliografia modificar

Nòtas e referéncias modificar