Lo Grand Ducat de Varsòvia (en polonés : Księstwo Warszawskie) èra l'estat polonés creat per Napoleon Bonaparte en 1807 a partir de territòris conquistats sus lo Reaiume de Prussia. Son cap oficiau foguèt Frederic August de Saxònia qu'èra un aliat de Napoleon. Pasmens, Napoleon creèt tanben un sistèma per donar lo contraròtle de la politica dau Ducat a un grop de ministres polonés sota la direccion d'un Resident francés e lo comandament de l'armada (120 000 òmes en 1812) ais oficièrs generaus polonés de l'armada francesa. Lo Ducat dispareguèt amb l'afondrament de l'Empèri francés e son territòri foguèt tornarmai partejat en 1815.

Evolucion dau Grand Ducat de Varsòvia.