Dionisi (papa)
Dionisi o Daunís (mòrt lo 26 de decembre de 268) foguèt lo 25en evesque de Roma dau 22 de julhet de 259 au 26 de decembre de 268. Succediguèt a Sixte II (257-258) e foguèt remplaçat per Fèlix Ièr (269-274).
Elegit après mai d'una annada de vacança de l'evescat de Roma en causa de la violéncia dei persecucions anticrestianas ordonadas per l'emperaire Valerian, s'ocupèt magerament de reorganizar la Glèisa. Per aquò, aprofichèt l'edicte de tolerància promulgat per l'emperaire Gallien. Puei, s'ocupèt de questions teologicas sus lo batejament deis eretics e la doctrina de la Trinitat. Gràcias a sei talents diplomatics, capitèt en particular d'obtenir lo raliment de la Glèisa d'Alexàndria e l'abandon de divèrsei practicas jutjadas ereticas au sen d'aqueu clergat.