Debbie Harry

Deborah Ann Harry, mai coneguda coma Debbie Harry (Miami, 1 de julh de 1945) es una cantautora, actritz e anciana Conilheta de Playboy americana. Es fòrça coneguda que foguèt la menaira e cantaira del grop de new wave Blondie. Coneguèt tanben cèrt succès coma solista, e durant la mitat dels ans 1990 collaborèt amb The Jazz Passengers. Dins sa carrièra cinematografica participèt dins mai de 30 films e apareguèt mantun còp dins de sèrias televisivas.

Debbie Harry (2008)

Biografia

Deborah Harry foguèt adoptada quand aviá pas que tres meses per Catherine e Richard Harry Smith, los proprietaris d'una botiga de presents a Hawthorne, dins l'estat de Nòva Jersei. Faguèt sos estudis a la Hawthorne High School e puèi al Centenary College.

Se n'anèt a Nòva York a la fin dels ans 1960 e i trabalhèt un an coma secretària dins lo burèu nòvayorqués de la Ràdio BBC. Mai tard aguèt divèrses mestièrs dins un bar, un Dunkin' Donuts, dançaira a Union City e finalament Conilheta de Playboy.

Sa carrièra musicala comencèt dins un grop de musica folk, the Wind in the Willows, abans de venir part d'un trio feminin, The Stilettos, al començament dels ans 1970.