Dandara (transcripcion mens exacta: Dendera) qu'ei ua ciutat de l'Egipte antica, capitala deu sheisau nòme de Haut Egipte, situatda a un sheisantenat de quilomètres de l'actuau Loxòr. Qu'ei famosa per'mor deu son temple grècoroman vodat a la divessa Atòr, dab, justament, titanescas colomnas atorianas. Aqueth temple que ho començat deu temps deus faraons lagides e acabat devath la dominacion romana.

Lo temple de la divessa Atòr a Dandara parciaument ensablat au sègle XIX, per David Roberts

Monuments modificar

 
Colomnas atorianas de la sala Ipostila deu temple.
  • Lo monument lo mei vielh de Dandara que data deu regnat de Nactanebo Ier (un deus darrèrs faraons d'origina egipciana). Qu'ei un petit temple qualificat de mamisi.


  • Un lac sacrat, on, segond los principis religiós egipcians, los prèstes e's banhavan abans d'oficiar.



  • Lo temple d'Atòr. Que ho començat per Ptolemèu XI e acabat per l'emperaire Neron, sia enter -80 e 68 de l'èra crestiana. Sus la soas parets, que's poden véder representacions de Cleopatra VII e deu hilh qu'avó dab l'emperaire Juli Cesar : Cesarion. Lo Musèu deu Lovre que possedeish un famós zodiac pres suu tèit d'aqueth temple.

Galeria modificar

  Portal Egiptopèdia
Accedissètz dirèctament als articles de Wikipèdia concernent l'Egipte antica :

Istòria | Geografia | Organizacion politica | Faraon | Art | Mitologia | Dius | Vida vidanta | Bibliografia | Egiptològs | Lexic