Concepción Arenal (Ferrol, lo 31 de genèr de 1820 - Vigo, lo 4 de heurèr de 1893) que ho ua escrivana galega de lenga castelhana, ua jornalista e mei que mei ua hemna qui lutè per l'accès de las hemnas a l'educacion e peus drets deus detienguts e mei que mei de las hemnas encarceladas.

Que vadó dens ua familha liberau ; lo son pair, qui s'èra opausat au regim tiranic deu rei Ferran VII d'Espanha, que's morí quan Concepción avèva tan per tan 8 ans. Qu'arrecebó l'educacion destinada a las mainadas qu'apregondí en se bèth vestir com un òmi entà audi cors universitari e, shens cap diplòma de segur puish que los estudis superiors b'èran vedats a las hemnas espanhòlas d'aquesta epòca, qu'aquesó ua vertadera expertisa en dret.