Un comissari politic es un oficier que despend d'una ierarquia politica diferenta de la ierarquia militara. A una foncion ideologica e es cargat de renfòrçar lo morau dei tropas e de susvelhar sa fidelitat. Segon leis armadas e lei periòdes, son poder pòu èsser inferior ò superior a aqueu deis oficiers militars. La foncion foguèt creada au sen de l'armada francesa durant lo periòde revolucionari mai venguèt famosa per son utilizacion per l'armada sovietica. D'efèct, a la creacion de l'Armada Roja, lei comissaris politics èran cargats de susvelhar leis oficiers eissits de l'armada tsarista – nombrós car lei bolchevics mancavan de quadres. Avián un poder superior a la ierarquia militara e èran en carga de la propaganda dirècta, de la disciplina e dau contraròtle deis òrdres donats per lei militars. Après lei desfachas de 1941-1942, aqueu ròtle foguèt reduch e principalament limitat a la propaganda e a un contraròtle indirèct de la fidelitat dei tropas. Après la Segonda Guèrra Mondiala, plusors armadas de país comunistas adoptèron la foncion a sei fòrças armadas.

Liames intèrnes modificar

Bibliografia modificar

Nòtas e referéncias modificar