Club de Gimnasia y Esgrima La Plata

Club de Gimnasia y Esgrima La Plata
Club fondat en 1887
Chafre Lo Lop
Colors Blau e blanc
Estadi Estadi Juan Carmelo Zerillo (Estadi Lo Bòsc), La Plata, Província de Buenos Aires, Argentina
(33 000 plaças)
President Walter Gisande
Entraïnaire Diego Cocca
Team colours Team colours Team colours
Team colours
Team colours

Domicili
Team colours Team colours Team colours
Team colours
Team colours

Exterior

Lo Club de Gimnasia y Esgrima La Plata es un club de fotbòl de la vila de La Plata en Argentina. Fondat lo 3 de junh de 1887, es lo club mai ancian entre los qui jògan en primièra division.

Son estadi es l'Estadi Juan Carmelo Zerillo (21 400 plaças), mai conegut com l'Estadi del Bòsc (en castelhan : Estadio del bosque) pr'amor d'èsser prèp del bòsc de La Plata. Per aquesta rason lo club foguèt chafrat El Lobo ("Lo Lop'").

Las soas colors eraldicas son d'argent a facha d'azur.

Las rescontras amb son rival Estudiantes de La Plata (l'autre grand club de fotbòl de la capitala de la província de Buenos Aires) es un classic del fotbòl argentin : lo Clásico Platense.

Gimansia y Esgrima foguèt campion d'Argentina de primièra division en 1929 e de segonda division en 1944, 1947 e 1952. ganhèt tanben la Copa Centenario organizada nacionaument per l'AFA en 1994.

Es un dels clubs qui an jogadas mai de sasons cumuladas en primièra division.

Istòria modificar

 
Equipa campiona en 1929
 
Arturo «El torito» Naón

Gimnasia y Esgrima La Plata foguèt fondat lo 3 de junh de 1887 vodat a las doas activitats de son nom. Devenguèt mai tard lo famós club de fotbòl.

Durant son istòria cambièt de nom : foguèt batejat tornar Club de Esgrima per una brèva estona de l'annada 1897 e Club Gimnasia y Esgrima de Eva Perón en 1952 quand La Plata foguèt egalament tornada batejada Eva Perón a l'escasença del decès de la primièra dòna argentina. Aqueste nom foguèt cambiat a la casuda del regim del general Juan Domingo Perón e remplaçat per Club Gimnasia y Esgrima de La Plata amb un de que foguèt levat en 1964 per li tornar lo nom actual.

Fins a l'annada 1930 Gimnasia y Esgrima (coma mantuna còla argentina a despart del Racing Club) joguèt lo campionat amator. Enter 1905 e 1915 daissèt de practicar lo fotbòl. Es durant aquesta pausa (en 1912) que foguèt fondat son rival Estudiantes de La Plata per qualques uns de sos ancians membres.

En 1915 entrèt en primièra division e posquèt jogar pel primièr còp en 1916 contra son rival (amb una victòria de 1 a 0).

Lo 27 d'abrial de 1924 inaugurèt son estadi. Gimnasia y esgrima foguèt campion nacional de primièra division en 1929.

La còla de 1933, qui menèt una polida campanha, foguèt chafrada El Expreso e un jogador Arturo «El torito» Naón i espelèt e venguèt famós dins l'istòria del club.

La campanha de 1962 donèt l'escais de Lop al club pr'amor de la proximitat del bòsc de La Plata e tanben pr'amor de la rapiditat e de la rusa dels sons jogadors.

Clásicos Platenses modificar

 
Suportaires de Gimnasia y Esgrima
 
Classic de La Plata de 1931

Los Classics de La Plata son las rescontras entre Gimnasia y Esgrima e lo club Estudiantes de La Plata.

Lo primièr se joguèt en 1916 ganhèt 1 a 0 amb un gòl contra son camp de Pastor.

En 1931 joguèron los dos dins los campionats organizats per l'AFA e en 147 rescontras: Estudiantes de La Plata emportèt 51 victòrias amb 217 gòles ; Gimnasia y Esgrima ganhèt 45 partidas amb 196 gòles ; i aguèt en 51 partidas nullas.

En 1992 José Perdomo de Gimnasia y Esgrima marquèt lo "Gòl del Terratrem" contre Estudiantes, un gòl enregistrat pel sismograf de La Plata (véser lo paragraf "Curiositat").

Presidents modificar

 
Saturnino Perdriel

Gimnasia y Esgrima aguèt 55 presidents. Lo primièr e fondator foguèt Saturnino Perdriel. L'actual president es Walter Gisande.

Lo president es elegit pels membres associats del club.

Véser Lista dels presidents del Club de Gimnasia y Esgrima La Plata

Estadi modificar

 
Estadi del Bòsc dins las annadas 1940
 
Juan Carmelo Zerillo

L'estadi de Gimnasia y Esgrima se tròba a La Plata a l'interseccion entre l'avienguda 60 e la carrièra 118. Es apelat oficialment Estadio Juan Carmelo Zerillo e es tanben conegut coma l'Estadi del Bòsc (Estadio del Bosque en castelhan) pr'amor de la proximitat del Bòsc de La Plata. Es situat dins lo quartièr El Mondongo. Sa capacitat es de 21 500 plaças abilitadas.

Foguèt bastit en 1923 per èsser inaugurat en1924. Mai tard, recebèt lo nom d'un dels presidents del club : Carmelo Zerillo.

Foguèt barrat en 2006, 2007 e una partida de 2008 per una question de nòrmas abans de tornar aubrir.

Escaisses modificar

 
Lo Lop, simbòl del club

Los suportaires de Gimnacia y Esgrima pòrtan mantun escais mai o mens istorics:

  • Los Triperos dens las annadas 1920 en referència al fach de vénguer de la ciutat de Ensenada e de Berriso e de trabalhar dins lo matadèr.
  • La 22 d'origina incerta (dilhèu en referéncia a la carta 22 deu taròt : lo fòl).
  • Los Basureros (los "bordilhaires"), durant las annadas 1970, en referéncia al fach que lo president alara, Oscar Venturino, èra tanben president d'una entrepresa e collècta d'orduras.
  • El Lobo ("Lo Lop") en referéncia al Bòsc de la Plata e a las qualitats d'aquesta bèstia : astúcia e agilitat.

Malhòts modificar

Unifòrme actual modificar

     
 
 

Titular
     
 
 

Alternatiu

Evolucion del malhòt modificar

     
 
 

1903
     
 
 

1905
     
 
 

1910 - Ara

Curiositats modificar

  • Gimnasia y Esgrima es lo club de fotbòl lo mai ancian entre los qui jògan en primièra division en Argentina.
  • Foguèt lo primièr club argentin de fotbòl a jogar en Euròpa (1931).
  • Marquèt lo gòl lo mai lèu de l'istòria dels campionats argentins de primièra division : après 5 segondas, de Carlos Dantón Seppaquercia, contre Club Atlético Huracán, lo 18 de març de 1979.
  • Lo 5 d'abriu a l'escasença del Classico platense Gimasia y esgrima marquèt un gòl fetejat pels suportaires d'un biais que faguèt bolegar lo simograf de La Plata. Foguè conegut coma lo "Gòl del Terratrem" (lo Gòl del terremoto)
  • Lo 5 de mai de 1996, Gimnasia y Esgrima faguèt patir lo Club Atlético Boca Juniors una de las majoras umiliacions a domicili de son istòria en ganhant 6 a 0 a l'escasença de la reïnauguracion de son estadi (La Bombonièra) qui èra estat barrat per èsser adobat.
  • En 2009 lo club de Gimnasia y Esgrima foguèt lo tema d'un filme sobre la vida vidanta de sons suportaires dins lo contèxte del risque durant aquesta sason de cabussar en segonda division. Es lo filme titolat La Pasión del realizator Alejandro Encinase sortiguèt en salas.

Imne modificar

L'imne de Gimnasia y Esgrima foguèt compausat en 1915 amb paraulas de Délfor Méndez e musica de Juan Serpentini. Foguèt interpretat per primièra vegada lo 9 de julhet (diada de l'independéncia)a l'escasença d'una rescontra amb lo club uruguaian River Plate Football Club (de non pas con.honer amb dos autres clubes respectivament uruguain e argentin e apelats Club Atlético River Plate).

Festejemos nuestros triunfos, con canciones varoniles, armoniosas, y febriles, como los ritmos del mar.

Festejemos nuestros triunfos, con las sanas intenciones, de llegar a ser campeones, solamente, solamente por llegar.

En las luchas deportivas, siempre fuimos, vencedores, defendiendo los colores, de la insignia nacional.

Embriagados de entusiasmo, satisfechos, de alegría, derrochamos valentía, con nobleza, con nobleza sin igual.

Sin enconos ni altiveces, siempre fuertes, siempre unidos, por mens sana conocidos, lucharemos sin cesar, pues sin luchas no hay victorias, y nosotros las queremos, porque siempre padecemos, hondo anhelo, hondo anhelo de triunfar!

Véser son interpretacion dins los ligames extèrnes.

Entrenaires modificar

 
Carlos Timoteo Griguol

En fotbòl Gimnasia a avuts un mantun entrenaire al long de son istòria amb qualques noms mai marcants coma per exemple :

  • Emerich (Emérico en castelhan) Hirschl, chafrat "Lo Magician" (El Mago), d'origina ongresa, foguèt lo primièr entrenaire estrangièr en Argentina. Entrenèt Gimnasia y esgrima entre 1932 e 1934.
  • Nito Veiga faguèt tornar pojar lo club en primièra division en 1984.
  • Amb Roberto Perfumo lo club ganhèt la Copa Centernario en 1993.
  • Carlos Timoteo Griguol (lo "Vielh" o lo "Mèstre" - el Maestro, El Viejo - ) menèt lo club a 3 títols de vicecampion.

L'actual entrenaire es Diego Cocca.


Véser : Lista dels entrenaires de Gimnasia y Esgrima La Plata

Jorn del suportaire de Gimnasia y Esgrima modificar

Lo 10 de decembre es estat causit per ésser la Jornada Mondiala del suportaire de Gimnasia y Egrima ; es l'escadença d'acamp e de le celebracions, mai que mai dins l'Estadi del Bòsc ; en 2006 mai de 10 000 s'acampèron atal[1].

Palmarés modificar

  • Epòca amator :
    • Tornèis nacionals :
      • Primièra division :
      • Campeonato de Intermedia (Segonda division) 1915.
  • Epòca professionala :
    • Tomèis nacionals oficials :
      • Vicecampion de purmèra division : Clausura 1995, Clausura 1996, Apertura 1998, Clausura 2002, Apertura 2005.
      • Campion de segonda division (1944 e 1947) e de Primera B 1952.
      • Vicecampion de segonda division 1946.
    • Copa Centenario de l'AFA.
    • Tornèis amical internacional:
      • Copa Gobernador Alende 1960.

Equipament e esponsòr modificar

Equipament
Período Provesidor
1980-1984 Topper[2]
1985-1993 Adidas[2][3]
1993-1998 Hummel[3][4]
1998-2001 New Balance[3][5][6]
2001-2008 Puma[3][7]
2009 Kappa[3][8]
Esponsòr
Tempsada Esponsòr
1990-1992 Pegamax[3]
1992 El Día[3]
1993-2001 Banco Municipal de La Plata[9]
2001-2002 Fideos Manera[10]
2002 Ticket Vip[11]
2003-2004 Suin[3]
2004 Liderar Seguros[3]
2005 Medical Hair[12]
2006 Crown Mustang[13]
2007-2008 Motomel[14]
2008-presente La Nueva Seguros[3]

Ligams extèrnes modificar

 

Wikimedia Commons prepausa de documents multimèdia liures sus Club de Gimnasia y Esgrima La Plata.

Videos de youtube.com modificar

  1. [1] Olé, 2006
  2. 2,0 et 2,1 El Día [2] accedit lo 13 de heurèr de 2009
  3. 3,00 3,01 3,02 3,03 3,04 3,05 3,06 3,07 3,08 et 3,09 Gimnasia [3] Accedit lo 13 de heurèr de 2009
  4. Radiografía Tripera[4] Accedit lo 13 de heurèr de 2009
  5. El Día [5] Accedit lo 13 de heurèr de 2009
  6. El Día [6] Accedit lo 13 de heurèr de 2009
  7. Cielo Sports [7] Accedit lo 13 de heurèr de 2009
  8. [8] Accedit lo 13 de heurèr de 2009
  9. El Día [9] Accedit lo 29 de genèr de 2009
  10. El Día [10] Accedit lo 29 de genèr de 2009
  11. El Día [11] Accedit lo 29 de genèr de 2009
  12. El Día [12] lo 13 de heuèr de 2009
  13. El Día [13] lo 13 de heurèr de 2009
  14. El Día [14] lo 13 de heurèr de 2009