Ciril d'Alexàndria

Ciril d'Alexàndria, vadut en 376, qu'estó patriarca (avesque) d'Alexàndria despuish 412 dinc a la soa mort lo 27 de junh de 444. Sant entaus catolics e los ortodòxes, en 1882 lo papa Leon XIII que'u proclamè pair e doctor de la Glèisa.

Istòria e tradicion modificar

Nomenat patriarca d'Alexàndria lo 17 d'octobre de 412, nebot e successor de Teofil, Ciril que's consagrè a eradicar lo paganisme, lo judaïsme e çò qui considerava com eretgias: qu'escrigoc contra los arrians e los nestorians e que hasó barrar las glèisas deus novacians e las sinagògas. Aqueras mesuras brutaus que l'opausèn a Orestes, prefècte d'Egipte (crestian eth tanben) e en març de 415 la filosòfa Ipàtia d'Alexàndria qu'estó victima d'ua horrèra arengada peu patriarca.

Contra Nestòri modificar

Ciril que s'opausè au patriarca de Constantinòble, Nestòri, qui arrefusava de balhar a Maria lo títol de Theotokos (literaument «qui amainadè Diu») e en 431 lo Concili d'Efès que condamnè Nestòri com erètge. En 429, Ciril qu'avèva atacat Nestòri dens las omelias, puish en 430 que'u avèva acusat d'adopcianisme e en aost de la medisha annada un sinòde regionau a Roma que'u avèva condamnat e que l'avèva exigida ua retractacion.

Nestòri qu'aconselhè a l'emperaire Teodòsi II d'amassar un concili ecumenic a Efès entà Pentacosta de 431. La letra de convocacion que data deu 19 de noveme de 430 entà ua reünion en junh de 431. Durant aqueth medish mes de noveme, Ciril qu'amassè un sinòde regionau a Alexàndria qui condamnè Nestòri e que'u mandè ua tresau letra dab los dotze anatèmas entà hà'u soscríver.

Ciril qu'afirmava l'«union ipostatica» deu Vèrb Divin dab la natura umana dens la persona deu Crist (ua sola Ipostasi, dens la quau lo Vèrb e assumí la natura umana).

  Portal Egiptopèdia
Accedissètz dirèctament als articles de Wikipèdia concernent l'Egipte antica :

Istòria | Geografia | Organizacion politica | Faraon | Art | Mitologia | Dius | Vida vidanta | Bibliografia | Egiptològs | Lexic