Christian Ferras
Christian Ferras (Le Touquet, lo 17 de junh de 1933 – París, lo 14 de seteme de 1982 - enventualement en occitan Crestian Ferràs) que ho un violonista virtuòse francés d'origina niçarda qui tribalhè enter autes dab lo violonista Yehudi Menuhin lo violoncelista Pau Casals e lo cap d'orquèstra Herbert von Karajan.
Que vadó en Picardia on los sons pairs e gavidavan ua ostalaria durant la huata sasons, en tot demorar a Niça (los Ferràs - en occitan - qu'èran donc Niça). Qu'èra lo capdet de tres hrairs.
Que comencè a estudiar lo vriulon au set ans dab lo son pair e que's muishè hèra precòç e talentuós. Que perseguí los sons estudis au conservatòri de Niça on e obtiengore lo purmèr prèmi d'excelléncia de vriulon. En 1944 que hè lo viatge entà París per estudiar au Conservatòri on e obtiengó los purmeèrs prèmis en violon e musica de crampa.
Arron, que he los sons debuts, en 1946, dab l'orquèstra Pasdeloup gavidat per Albert Wolf en tot interpretar la Sinfonia Espanhòla de Lalo. Dautes concèrts deus pretigiós que seguín a París.
Ad aquesta epòca que comencè a tribalhar dab lo violonista e compositor roman George Enesco.
Lo son purmèr enregistrament a Londres dab la firma Decca que seguí : que's tractè de la creacion d'un concerto de Federico Elizalde devath la direccion de Gaston Poulet.
En 1948 que creè La sonata per vriulon d'Arthur Honegger a la sala Gaveau.
En 1951 qu'interpretè lo concerto per vriulon de Beethoven dab l'Orquèstra Filarmonic de Berlin puish lo Concierto de Estio de Joaquin Rodrigo devath la direccion d'Egene Enesco.
En 1954, que hè l'aquesida, mercés au laütièr Étienne Vatelot de l'estradivari Lo President de 1721.
1956 que ho l'annada de la soa rescontra dab lo cap d'orquèstra Herbert von Karajan entà interpretar lo concreto per vriulon de Brahms e en 1957 que passè de l'ostau de disques Decca a EMI dab qui e enregistrè los concertos per vriulon de Menselssohn e de Taichovsky.
Que participè au Festival de Prades en 1959 entà i jogar dab lo son organizator : lo violoncelista Pau Casals.
Arron d'ua carrièra internacionau com interpret e professor, l'alcòl e la depression que'u mièn au suicid.
Ligam extèrne modificar
- [1] Sus youtube.com, Crestian Ferràs interpretant lo concerto per vriulon de Jean Sibelius.
- [2]Sus youtube.com, Crestian ferras interpretant Hora Stacatto.
- [3]Site de l'associacion en sovier de Crestian Ferràs.
