Chasteu de Ventadorn (Lemosin)

Lo chasteu de Ventadorn, a Mostier de Ventadorn, en Lemosin, dins lo departament de Corresa, se tròba sus un esperon rochós susplombant la vau de la ribiera de Sodelheta. Auei es en roïnas: lo barri existent s'adapta au contorn de l'esperon en tot defender aitau 'na plaça de 170 m de long per 'na larjor maximum de 30 m; a l'interior se tròba de las traças de chapela e lòtja, 'na importanta tor redonda e un tròç de mur que sembla estre lo de 'na tor mestra carrada. Bastit au segle XI e restaurat au segle XII, lo chasteu comandava lo Vescomtat de Ventadorn, dont las capitalas eran Aus Gletons, Ussel e Maismac. Venguet «monument istoric» en 1840.

Las roïnas dau chasteu