Batalha de l'Estrech de la Sonda
La batalha de l'Estrech de la Sonda es un combat navau que se debanèt dau 28 de febrier au 1èr de març de 1942 dins lo corrent de la Segonda Guèrra Mondiala. Foguèt la consequéncia de la temptativa d'una flòta aliada eissida dau Reiaume Unit, deis Estats Units e dei País Bas (2 crosaires, 1 destroièr) d'interceptar un important convòi japonés protegit per 6 crosaires, 12 destroièrs, un transpòrt d'idravions e un minador. Dos jorns après lo desastre de la batalha de la Mar de Java, leis Aliats subiguèron una novèla desfacha grèva ambé la pèrda dei tres vaissèus de l'esquadra e d'aperaquí 1 700 marins (1 075 tuats e 675 presoniers). De son caire, la marina japonesa perdiguèt solament un minador, 4 naviris de transpòrt[1] (sus 58) e 10 marins tuats. Aquò li permetèt d'assetar sa superioritat navala dins la region.
Liames intèrnes modificar
Bibliografia modificar
Nòtas e referéncias modificar
- ↑ Dos foguèron rapidament reparats e poguèron perseguir la guèrra.