La batalha de Xinkou se debanèt dins lo corrent de la Segonda Guèrra Mondiala dau 13 de setembre au 11 de novembre de 1937. Opausèt lei tropas unidas dei republicans e dei comunistas chinés a l'armada imperiala japonesa. Coma per leis autrei batalhas de l'acomençament de la guèrra, lei fòrças chinesas èran pus nombrosas (280 000 òmes còntra 140 000) mai lei Japonés avián un equipament superior (500 avions, 300 carris leugiers e 130 naviris còntra solament 200 avions). L'objectiu dei Chinés èra d'utilizar lo pas de Xinkou per arrestar l'avançada japonesa en Shanxi. Pasmens, maugrat una resisténcia acarnada e la pèrda de 100 000 combatents, la linha chinesa foguèt rompuda e lei Japonés capitèron d'avançar pauc a pauc. Lei Japonés perdiguèron 30 000 òmes pendent lei combats. Conjugada ambé la batalha de Taiyuan, aquela victòria permetèt a l'armada japonesa de prendre lo contraròtle de la màger dau nòrd de China.

Fotografia d'una colona de soudats chinés marchant vèrs Xinkou per participar a la defensa de la vila.

Liames intèrnes modificar

Bibliografia modificar

Nòtas e referéncias modificar