Batalha de Kyiv (1943)

La segonda batalha de Kyiv ò batalha de Kiev de 1943 se debanèt entre lo 3 de novembre e lo 22 de decembre de 1943 dins lo corrent de la Segonda Guèrra Mondiala. Opausèt lei fòrças sovieticas ai tropas alemandas e s'acabèt per una victòria sovietica en despiech de pèrdas importantas.

Carri alemand en Zitomir dins lo corrent de novembre de 1943.

Son debanament es devesit entre doas fasas que son l'ofensiva sovietica iniciala (3 - 13 de novembre) e una tiera de còntra-ofensivas alemandas (13 de novembre - 22 de decembre). Durant la premiera fasa, una ofensiva sovietica capitèt de rompre aisament lei linhas alemandas e de liberar Kyiv (6 de novembre). Leis Alemands subiguèron de pèrdas importantas e, après un premier refús, Hitler, foguèt obligat d'acceptar lo mandadís de renfòrç que permetèron a la Wehrmacht de gardar lo contraròtle dei camins de fèrre de la region. Aquò permetèt per la seguida ais Alemands d'organizar divèrseis atacas per melhorar sei posicions dins lo sector e protegir mai lo camin de fèrre qu'èra fòrça importanta per son avitalhament.

Lo bilanç uman de la batalha foguèt important dins lei dos camps car lei Sovietics avián infligit de pèrdas significativas ais Alemands au començament de novembre. Pasmens, perdiguèron tanben mai d'una unitat per arrestar lei còntra-ofensivas de novembre-decembre.

Liames intèrnes modificar

Bibliografia modificar

Nòtas e referéncias modificar