Batalha dau Golf de Leyte

La batalha dau Golf de Leyte se debanèt dau 23 au 27 d'octòbre de 1944 dins lo corrent de la Segonda Guèrra Mondiala. Es considerada coma la batalha navala pus importanta de l'Istòria. Opausèt una flòta estatsunidenca de 1 316 360 tonas gropant 34 pòrta-avions, 1 620 avions, 12 cuirassats, 23 crosaires, 22 sosmarins, 22 sosmarins e un centenau de destroièrs a una flòta japonesa de 698 630 tonas alinhant 4 pòrta-avions, 1 500 avions, 7 cuirassats, 13 crosaires, 17 sosmarins e 19 destroièrs.

Fotografia dei manòbras dau pòrta-avions Zuikaku per defugir leis atacas aerianas estatsunidencas.

Fotografia de l'explosion d'una bomba sus lo cuirassat japonés Yamato.

La batalha s'acabèt per una victòria clara deis Estatsunidencs. D'efèct, lei Japonés perdiguèron lei 4 pòrta-avions engatjats, 3 cuirassats, 10 crosaires, 11 destroièrs, 5 sosmarins, un milièr d'avions e 10 000 marins. 2 cuirassats, 4 crosaires e 3 destroièrs foguèron tanben endomatjats e jamai reparats. Fins a la fin de la guèrra, la marina militara japonesa representèt plus una menaça vertadiera per leis Aliats. En fàcia, la flòta estatsunidenca perdiguèt solament 1 pòrta-avions leugier, 2 pòrta-avions d'escòrta, 3 destroièrs, un sosmarin, 200 avions e 3 000 marins tuats.