La batalha d'Amians es un episòdi de la campanha de França que se debanèt dau 20 de mai au 8 de junh de 1940. Foguèt la consequéncia d'una temptativa francesa (dos divisions d'infantariá[1]) de defendre la vila còntra l'armada alemanda (tres divisions blindadas). Una premiera ataca d'amplor deis Alemands foguèt arrestada lo 26 de mai ambé de pèrdas importantas per lei dos camps. Sostenguda per de tirs d'artilhariá concentrats, la defensa francesa capitèt d'empachar leis Alemands d'intrar dins la vila avans lo 5 de junh. Pasmens, a partir dau 6 e dau 7, leis asalhidors prenguèron pauc a pauc l'avantatge e lei darriereis unitats francesas se retirèron lo 8.

Fotografia d'un soudat britanic tuat durant la batalha d'Amians lo 21 de mai de 1940.

Largament bombardada per leis artilhariás francesa e alemanda, la vila èra destrucha a 60%. Lei pèrdas umanas son desconegudas, subretot que plusors presoniers dei tropas colonialas francesas foguèron executats per leis Alemands. L'unic bilanç precís conegut regarda lo nombre de carris alemands Panzer III e Panzer IV destruchs per lei Francés (196).

Liames intèrnes modificar

Bibliografia modificar

Nòtas e referéncias modificar

  1. D'elements dau Còrs Expedicionari Britanic e d'unitats francesas destruchas participèron tanben a la batalha.