Lo Bairro Alto (Quartièr Naut en portugués), es un quartièr de Lisbona pintoresc amb carrièras caladadas, prèp dels quartièrs del Carmo e del Chiado, compausat d'ostals vetusts e de pichons magazins. Foguèt autrescòps nomenat Vila Nova dos Andrades.

... Bairro Alto, Lisbona...

Bastit a la fin del sègle XVI seguent un plan gaireben octogonal, lo Bairro Alto es un dels quartièrs pus pintorescs de la vila.

Lo quartièr, amb fòrça bars, restaurants, ostals de fado, es una zòna fòrça coneguda de la nuèch lisboèta dempuèi las annadas 1980.

Una part dels edificis foguèron o son restaurats, per conservar la traça originala del quartièr, permetent tanben l'installacion de novèls espacis comercials.

Dempuèi pauc, lo quartièr es tanben avalorat coma luòc de demorança per una populacion jove.