Azurita
L'azurita es un minerau de color azur viu qu'a una duretat de 3,5-4,0 e una densitat de 3,7-3,8. Es formada de carbonat idratat de coire (simbòl quimic : CuO3(CO3)2(OH)2) cristallizat segon un sistèma monoclinica de classa prismatica. Lei cristaus naturas an una forma prismatica lònga ò tabulara. Forma tanben d'agregats compacts. Son esclat es generalament veirenc, rarament adamantin.
L'azurita se troba coma minerau segondari dei zònas d'oxidacion dei jaciments de coire. Pòu èsser associada ambé leis autrei mineraus de coire (coire natiu, malaquita, cuprita... etc.), la limonita ò la calcita. Es utilizat coma minerau de coire, coma gemma de valor febla e coma objècte de decoracion.