Avatar

Aquesta pagina d'omonimia repertòria los diferents subjèctes e articles del nom identic.

Lo tèrme avatar ten son origina en Índia (del sanscrit avatāra: davalada, ava-TṚ : davalar) e signigica « davalada, incarnacion divina ».

Dins l'indoïsme, un avatar es une incarnacion (jos forma d'animals, d'umans, etc.) d'un dieu, vengut sus tèrra per restablir lo darma, salvar los monds del desòrdre cosmic provocat pels enemics dels dieus (los demònis). Mai sovent los avatars son aquestes del dieu Vishnó, filh de la divessa Ahimsa e del dieu Darma.

Lo bodisme tibetan (branca del bodisme vajraiana) utiliza tanben aqueste tèrme: per exemple, lo dalai-lama, papa de l'escòla gelog es considerat coma un avatar d'Avalokiteshvara.

Dempuèi la fin del del sègle XX, lo tèrme avatar s'utiliza tanben al sens figurat de metamorfòsi, transformacion d’un objècte o d’un individú.

Cinèma

• Avatar (film, 2009), film american de James Cameron sortit en decembre de 2009.
• Avatar, film japonés de Atsushi Wada sortit en 2011.

Informatica

• Un avatar es un personatge representant un utilisaire sus Internet e dins los videojòc. A l’origina, s'agís de l'incarnacion numerica d’un individú dins lo mond virtual d'un jòc en linha. Per extension aqueste tèrme arribèt dins los forums de discussions puèi dins lo lengatge corrent, designa alara lo pseudonim utilizat suls sites internet e los rets socials.

Religion

Dins la mitologia indóa, un avatar designa entre autre caduna de las detz incarnacions de Vishnó.

D'autres dieus que Vishnó an tanben d'avatars: Arjuna l'eròi de la Bhagavad Gita es un avatar d'Indra; Shankaracharya es considerat coma un avatar de Shiva.

Segon Sri Aurobindo, lo ròtle d'un avatar es « favorizar l'evolucion terrèstra, subretot dobrissent la dralha cap a una consciéncia superiora per l'umanitat. ». Aqueste considèra tanben Jèsus Crist coma un avatar.