Arrondiment de Mende
|
Arrondiment de Mende
 | |
|---|---|
| Administracion | |
| País | França |
| Region | Occitània (region administrativa) |
| Departament | Losera 
|
| Còde INSEE | 482 |
| Prefectura | Mende |
| Estatisticas | |
| Populacion (2020) | 63 587 ab. (sens comptes dobles) 66 688 ab. (totala) |
| Superfícia | 3 479,4 km² |
| Densitat | 18,28 ab./km² |
| Subdivisions | |
| Comunas | 114 |
| Identificants | |
L’arrondiment de Mende es una division administrativa e una anciana division electorala [1] francesa situada dins la region d'Occitània, ancianament de Lengadòc-Rosselhon e lo departament francés de Losera. Lo capluòc es la vila gavaudanesa de Mende. L'arrondiment s'espandís en Gavaudan. La lenga autoctòna es l'occitan lengadocian gavaudanés, que tira vèrs l'auvernhat al nòrd del territòri.
Istòria modificar
L'arrondiment se creèt en 1800 dins lo departament de Losera. Lo 10 de setembre de 1926, amb la supression de l'arrondiment de Maruèjols, los cantons d'aquel arrondiment siaguèron transferits a l'arrondiment de Mende : canton d'Autmont d'Aubrac, de La Canorga, de Chanac, de Chairac, de Fornèls, del Malasiu, de Maruèjols, de Las Binals, de Sanch Eli d'Apchièr, de Cerveireta (vengut en 1897 canton de Sent Auban). L'arrondiment de Mende venguèt alara, e de luènh, lo pus espandit (3 479,4 km²) e lo pus poblat (63 401 abitants en 2018) del departament.
Composicion entrò 2015 modificar
L'arrondiment de Mende se compausava de 18 cantons :
- canton d'Autmont d'Aubrac (6 comunas);
- canton de Las Binals (6 comunas);
- canton del Blumar (12 comunas);
- canton de La Canorga (6 comunas);
- canton de Chanac (5 comunas);
- canton de Chastèlnòu de Randon (8 comunas);
- canton de Fornèls (10 comunas);
- canton de Grandriu (7 comunas);
- canton de Lengònha (9 comunas);
- canton del Malasiu (9 comunas);
- canton de Maruèjols (11 comunas);
- canton de Mende Nòrd (4 comunas e fraccion de Mende);
- canton de Mende Sud (5 comunas e fraccion de Mende);
- canton de Sent Auban (5 comunas);
- canton de Sench Amanç (10 comunas);
- canton de Sanch Eli d'Apchièr (7 comunas);
- canton de Sant German del Telh (7 comunas);
- canton de Vilafòrt (7 comunas).
Composicion a partir de 2015 modificar
Dempuèi 2015, los limits dels cantons novèls pòdon èsser sus dos arrondiments e lo nombre de comunas pòt variar en seguida de la creacion de comunas novèlas. De mai, lo 1èr de genièr de 2017, los arrondiments siaguèron atermenats autrament per tal de s'adaptar als limits de las intercomunalitats. Per l'arrondiment de Mende, e per tot lo departament, la creacion de comunas novèlas faguèt fòrça baissar lo nombre de comunas, mas en 2017, lo limit entre l'arrondiment de Mende e lo de Florac demorèt çò qu'èra.
Lo nombre de comunas de l'arrondiment de Mende es aital de 135 en 2015, 132 en 2016, 120 en 2017 e 114 en 2019 e 2020 [2].
Nòtas modificar
- ↑ d'aquí a la fin de la Tresena Republica pels conselhièrs d'arrondiment e per l'eleccion dels deputats
- ↑ https://www.insee.fr/fr/metadonnees/cog/arrondissement/ARR482-Mende Composicion de l'arrondiment de Mende site https://www.insee.fr