Alsàcia
Alsàcia (en alsacian: Elsàss; en alemand estandard: das Elsass, vetuste Elsaß; en francés Alsace) es una region istorica e collectivitat territoriala de l'Èst de França. Èra la pus pichona region de la França metropolitana. L'INSEE li atribuïssiá lo còdi 42.
| Alsace (fr) Elsàss (gsw) Elsaß (de) | |
  | |
| Entitat | anciana region francesa |
|---|---|
| Administracion | |
|
| |
| Capitala | Estrasborg |
| Lenga oficiala | francés |
| • Autras lengas | alsacian welche francomtés |
| Geografia | |
  | |
| Coordenadas | 48° 30′ N, 7° 30′ E |
| Superfícia | 8 280 km² |
| Limitròf amb | Lorena, Canton de Solothurn, Canton de Basilèa-Campanha, Canton de Basilèa-Vila, Canton de Jura, Baden-Württemberg e Franca Comtat |
| Altitud mejana | 1 424 m |
| Fus orari | UTC+01:00 (ora estandard) UTC+02:00 (ora d'estiu) |
| Istòria | |
| Pairinatge | Odila d'Alsàcia |
| Autras informacions | |
| ISO 3166-2 | FR-6AE |
Annexada al Reialme de França en 1648, Alsàcia es una region tradicionalament de cultura e de lenga germanofònas. Gaudís conjuntament a Lorena d'una especificitat juridica eretada del sistèma napoleonian, conservant sobretot cèrtas leis abrogadas dins la rèsta de l'Estat francés.
Dins l'encastre de la reforma territoriala, la region de Champanha-Ardena fusionèt lo 1r de genièr de 2016 amb las regions d'Alsàcia e de Lorena per formar una region administrativa nomenada provisòriament Alsàcia Champanha Ardena Lorena, puèi definitivament region de Grand Èst.
Istòria modificar
La region Alsàcia es creada coma circonscripcion d'accion regionala lo 2 de junh de 1960. Ven un establiment public regional lo 5 de julhet de 1972. La « lei Deferre » (lei n°82-213 del 2 de març de 1982) ne fa una collectivitat territoriala de l'executiu elegit e parteja las competéncias entre l'Estat e las regions. Ven una collectivitat territoriala après las eleccions del 16 de març de 1986.
Conselh regional modificar
Lo conselh regional aviá 47 conselhièrs (27 pel Bas Ren, 20 per l'Aut Ren).
Presidents modificar
- 1973 - 1977 : André Bord (UDR)
- 1977 - 1980 : Pierre Schiélé (UDF)
- 1980 - 1996 : Marcel Rudloff (UDF)
- 1996 - 2009 : Adrien Zeller (UDF-UMP)
- 2009 - 2010 : André Reichardt (UMP)
- 2010 - 2015 : Philippe Richert (UMP)
