Ajuda:Darrièrs cambiaments

La pagina dels Darrièrs cambiaments (dicha tanben RC ou recent changes) permet d'obténer una lista de las contribucions pus recentas sus Wikipèdia. Aquesta pagina es presenta dins cada projècte utilizant MediaWiki, lo logicial que gerís los projèctes Wikimedia.

Aquesta pagina permet de :

  • verificar lo trabalh dels autres ;
  • detectar los vandalismes ;
  • identificar los contributors novèls, e lor desirar la benvenguda ;

Un ligam vèrs los darrièrs cambiaments es disponible a esquèrra dins l'interfàcia. Se pòt tanben crear un ligam vèrs la pagina Special:Recentchanges.

Comprendre los darrièrs cambiaments modificar

Amb las preferéncias per defaut, la pagina aficha las 50 darrièras modificacions que son pas estadas fachas per de robòts. Un extrach d'una lista sembla aquò :

S'i vei cinc modificacions distintas :

  • la primièra per un utilizaire non enregistrat, identificat per son adreça IP ;
  • la segonda es una modificacion menora (marcada d'una m) per l'utilizaire Iznogood sus l'article Lac Sant Joan ;
  • la tresena, una modificacion normala, per l'utilizaire Michel Louis Lévy sus un autre article ;
  • la quatrena correspond a la creacion d'un article novèl (marcat d'una N) ;
  • la cinquena es una modificacion sus una pagina de l'espaci de nom Wikipèdia per un utilizaire inscrich mas qu'a pas encara recebut de messatge de benvenguda o a pas encara emplenat sa pagina personala/pagina de discussion.

D'esquèrra a drecha :

  • (dif) permet de visualizar las diferéncias entre las doas darrièras versions de la pagina. Cal notar qu'un dif es absent en cas de creacion d'un article (quatrena modificacion çai-sus)
  • (ist) correspond a l'istoric de la pagina. Permet d'obténer una lista de las modificacions de l'article.
  • Una m indica que la modificacion es menora. Sols los utilizaires enregistrats pòdon atribuir lo label menor a lor modificacion.
  • Una N indica la creacion d'una pagina novèla.
  • Un ligam vèrs la version de l'article aprèp la modificacion indicada.
  • L'ora de la modificacion ; es possible de modificar lo fus orari dins las preferéncias de l'utilizaire.
  • Un ligam vèrs la pagina de l'utilizaire s'existís. Pels utilizaires non inscriches, lo ligam puncha vèrs la lista de las contribucions. Es la meteissa causa per la pagina de discussion.
  • Pels renomenatges, un ligam es balhat vèrs lo títol ancian e lo títol novèl.
  • Un resumit de la modificacion picat per son autor.