5,56 × 45 mm Otan
Lo 5,56 × 45 mm Otan es una municion destinada ai fusius d'assaut dei fòrças armadas de l'OTAN. Es un derivat dau .223 Remington que foguèt adoptat durant leis ans 1970-1980 per remplaçar lo 7,62 × 51 mm Otan qu'èra jutjat tròp pesuc e tròp poderós per d'armas leugieras. Es una municion de guèrra que tira un projectil de 2,59 a 4,86 g a de velocitats situadas entre 850 e 993 m/s. Permet lo combat a de distàncias de 250 a 400 m e sa forma e sa capacitat de se fragmentar permèton d'infligir de bleçaduras grèvas a un adversari. De mai, sa version de basa es capabla de traucar una placa de 10 mm d'acièr a 160 m e de 3 mm a 600 m.
