Pèire de Castèlnòu : Diferéncia entre lei versions

Religiós de [[Abadiá de Cistèl|Cistèl]] e archidiague de [[Magalona]], [[Cistercenc]] francés, temptèt vanament d'endigar l'[[eretgia]] [[catarisme|catara]] en Occitània, amb la qualitat de [[legat]] extraordinari del papa [[Innocenci III]], per recercar los erètges [[albigés|albigeses]] e los liurar al braç secular, e aguèt per collèga [[Ramièr]], monge de Cistèl. Èran acompanhats entre autres de [[Domenge de Guzmán]], fondador de l'[[òrdre dels Fraires Presicaires]]. Aquestes [[inquisicion|inquisitor]]s rescontrèron una viva resisténcia, e Castèlnòu acabèt per èsser assassinat a proximitat d'[[Arle]] sus las tèrras de [[Raimon VI de Tolosa|Raimon VI]], comte de Tolosa ([[1208]]), al moment que veniá d'enjónher a aquel prince d'abandonar la causa dels Albigeses; aquel murtre faguèt escomenjar Raimon e foguèt la causa del començament de la [[Crosada dels Albigeses]].